Xitoyda yuk mashinasi portlashi oqibatida 7 kishi yo‘qoldi, 13 kishi jarohat oldi

Xitoyning Shensi viloyatida portlash xavfi bo‘lgan moddalarni tashib ketayotgan transport vositasi portlashi oqibatida 7 kishi bedarak yo‘qoldi, 13 kishi jarohat oldi.

Voqea 10 aprel soat 23.50da Chjenan uyezdida yuz bergan.

Jarohat olganlarga tibbiy yordam ko‘rsatilgan. Voqea joyiga qutqaruv ishlari olib borish uchun huquq-tartibot idoralari xodimlari, o‘t o‘chiruvchilar va shifokorlar yetib kelgan. Avariya oqibatlarini tergov qilish uchun maxsus guruh tuzilgan.