Foto: GETTY IMAGES
Amnesty International huquq himoyasi tashkiloti 2017 yilda giyohvand moddalar bilan bog‘liq jinoyatlar uchun qatl etilganlar sonini hisoblab chiqdi. Bu haqda «Bi-bi-si» xabar bermoqda.
E'lon qilingan har yillik hisobotda xabar berilishicha, tashkilot hammasi bo‘lib 993ta qatl haqida tasdiqlangan ma'lumotlarga ega. Ular o‘tgan yili butun dunyo bo‘ylab amalga oshirilgan. Ulardan 272tasi – ya'ni 27 foizi – giyohvand moddalar bilan bog‘liq jinoyatlarga to‘g‘ri keladi.
Qatl holatlarining aksariyati Eron va Saudiya Arabistonida yuz bergan. Ushbu ikki davlatda, shuningdek Iroq hamda Pokistonda o‘lim jazosi bo‘yicha chiqarilgan hukmlarning 84 foizi ijroga keltirilgan.
