Sayyoh Facebook'dagi haqoratomuz karikaturasi uchun 3 oylik qamoq jazosiga hukm qilindi

BAAga tashrif buyurgan Hindiston fuqarosi Facebook ijtimoiy sahifasidagi Muhammad payg‘ambar (s.a.v.)ning haqoratomuz karikaturalari uchun uch oylik qamoq jazosiga hukm qilindi. 

Karikatura 2017 yilning sentabrida 34 yoshli hindistonlik tomonidan joylangan. Facebook'dagi post haqida politsiyaga erkakning hamkasbi xabar qilgan. 

Dekabr oyida Dubaydagi birinchi sud instansiyasi Hindiston fuqarosini islom dini va Muhammad payg‘ambar (s.a.v.)ni haqorat qilgani uchun 1,4 ming dollar miqdoridagi jarimaga tortgan edi.

Sudlanuvchi hukmni apelyatsiyaga berdi, biroq sud uning arzini qoniqtirmadi va uni xuddi shu miqdordagi jarima va 3 oylik qamoq jazosiga hukm qildi.

Jazo o‘talganidan so‘ng erkak Hindistonga deportatsiya qilinadi.