Andijonda adliya boshqarmasi tashabbusi bilan obodonlashtirish ishlari tashkil etildi

Andijon viloyat adliya boshqarmasining tashabbusi bilan joriy yilning 15 aprel kuni obodonlashtirish ishlari tashkil etildi.

Shu kuni Andijon viloyatidagi mavjud 898ta qabristonda boshqarma, FHDYo, davlat notarial idoralari xodimlari hamda fuqarolarning o‘z-o‘zini boshqarish organlari, mahalla fuqarolar yig‘inlari, nuroniylar va mahalla faollarini keng jalb qilgan holda hashar yo‘li bilan tozalov-obodonlashtirish ishlari uyushqoqlik bilan tashkil etildi.

Mazkur tadbirda viloyatning 36 mingdan ortiq faollari ishtirok etib, muborak joylarda keng qamrovli hashar ishlari tashkil etilib, o‘tganlar haqiga Qur'on tilovatlar qilindi.