Toshkentda MDH davlatlarining HHM birlashgan tizimini rivojlantirish muhokama qilinadi

MDH davlatlari Mudofaa vazirlari kengashi huzuridagi havo hujumidan mudofaa masalalari bo‘yicha muvofiqlashtiruvchi komissiya majlisining ishtirokchilari seshanba kuni O‘zbekiston poytaxtida yig‘iladi. Ular MDH davlatlarining havo hujumidan mudofaa birlashgan tizimini rivojlantirish masalasini muhokama qiladi.

«MDHga a'zo davlatlarning birlashgan havo hujumidan mudofaa tizimini takomillashtirish va rivojlantirishning eng muhim yo‘nalishi - havo hujumidan mudofaa yagona (birlashgan) mintaqaviy tizimini yaratish va rivojlantirish, harbiy boshqaruv organlari, shuningdek, havo hujumidan birlashgan mudofaa tizimi tarkibiga kiruvchi kuchlarning o‘zaro harakatlari», - deya ta'kidlab o‘tishgan Rossiya harbiy mahkamasidan.

Shuningdek, muvofiqlashtiruv komissiyasining a'zolari shu yili qo‘shma tezkor va jangovar tadbirlarni o‘tkazish rejasi hamda harbiy-texnikaviy hamkorlikning turli masalalarini ko‘rib chiqadi.

Toshkentga Rossiya, Qozog‘iston, Armaniston, Tojikiston, Belarus, Qirg‘iziston Mudofaa vazirliklari delegatsiyalari, Rossiya harbiy-sanoat kompleksi korxonalari vakillari tashrif buyuradi.

Tomonlar MDH davlatlarining birlashgan havo hujumidan mudofaa tizimi «Mintaqaviy xavfsizlik-2018» qo‘shma kompyuterlashtirilgan qo‘mondonlik-shtab mashg‘ulotlari rejasi va Yagona davlat radiolokatsion farqlash tizimini rivojlantirish konsepsiya loyihasi bo‘yicha kelishib oladi.