Тошкентда МДҲ давлатларининг ҲҲМ бирлашган тизимини ривожлантириш муҳокама қилинади
09:40 / 17.04.2018
5770

МДҲ давлатлари Мудофаа вазирлари кенгаши ҳузуридаги ҳаво ҳужумидан мудофаа масалалари бўйича мувофиқлаштирувчи комиссия мажлисининг иштирокчилари сешанба куни Ўзбекистон пойтахтида йиғилади. Улар МДҲ давлатларининг ҳаво ҳужумидан мудофаа бирлашган тизимини ривожлантириш масаласини муҳокама қилади.

«МДҲга аъзо давлатларнинг бирлашган ҳаво ҳужумидан мудофаа тизимини такомиллаштириш ва ривожлантиришнинг энг муҳим йўналиши - ҳаво ҳужумидан мудофаа ягона (бирлашган) минтақавий тизимини яратиш ва ривожлантириш, ҳарбий бошқарув органлари, шунингдек, ҳаво ҳужумидан бирлашган мудофаа тизими таркибига кирувчи кучларнинг ўзаро ҳаракатлари», - дея таъкидлаб ўтишган Россия ҳарбий маҳкамасидан.

Шунингдек, мувофиқлаштирув комиссиясининг аъзолари шу йили қўшма тезкор ва жанговар тадбирларни ўтказиш режаси ҳамда ҳарбий-техникавий ҳамкорликнинг турли масалаларини кўриб чиқади.

Фото: Мудофаа вазирлиги матбуот хизмати

Тошкентга Россия, Қозоғистон, Арманистон, Тожикистон, Беларусь, Қирғизистон Мудофаа вазирликлари делегациялари, Россия ҳарбий-саноат комплекси корхоналари вакиллари ташриф буюради.

Томонлар МДҲ давлатларининг бирлашган ҳаво ҳужумидан мудофаа тизими «Минтақавий хавфсизлик-2018» қўшма компьютерлаштирилган қўмондонлик-штаб машғулотлари режаси ва Ягона давлат радиолокацион фарқлаш тизимини ривожлантириш концепция лойиҳаси бўйича келишиб олади.

Фото: Мудофаа вазирлиги матбуот хизмати

 


Улашинг
Top