Yashnobod tumani FHDYo binosi oldida er o‘z ayolini pichoqladi, u vafot etdi

Toshkent shahrining Yashnobod tumanida qotillik yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 18 aprel kuni soat 12.30larda, Tuzel 3-dahada yashovchi, 1992 y.t. D.A. M.Ulug‘bek ko‘chasida joylashgan “Yashnobod tumani FHDYo” binosi oldida oilaviy janjal oqibatida birga yashagan turmush o‘rtog‘i, 1993 y.t. O.A.ning qorin va ko‘krak qismlariga pichoq bilan urib jarohat yetkazgan. 

Natijada O.A. kasalxonaga keltirilganida vafot etgan. D.A. qo‘lga olingan.