Tojikiston o‘z muhojirlarining Rossiyada qolishlari muddatini ro‘yxatdan o‘tkazmasdan uzaytirishni taklif qildi 

Tojikiston o‘z mehnat muhojirlarining Rossiyada qolishlarini ro‘yxatdan o‘tkazmasdan 30 kungacha uzaytirishni taklif qildi. Bu haqda Tojikiston bosh vaziri Qoxir Rasulzoda Rossiya va Tojikistonning Moskvadagi hukumatlararo komissiyasi yakunidan keyingi matbuot anjumanda aytib o‘tdi. 

“Mehnat muhojirlarimiz Rossiyada umumiy 180 kunga qolish bilan ro‘yxatdan o‘tmasdan 30 kungacha qolishlarini taklif qildik. Shuningdek, biz muhojirlarimizning oilaviy maqomi, mehnat muhojirlarimizning pensiya ta'minoti masalasini ko‘rib chiqishni taklif qildik. Rossiya tomonidan biz taklif qilgan masalalarni ko‘rib chiqish taklif qilindi”, deb aytgan Rasulzoda.