O‘zbekistondagi oliygoh Rossiya Federatsiyasining agrar sohadagi nufuzli universitetlariga tashrif buyurdi

Bugungi kunda ta'lim muassasalaridagi hamkorlikning mohiyati ilmiy va ta'lim loyihalarini amalga oshirish va o‘quv jarayoni tashkil etish bo‘yicha tajriba almashish, ilmiy-pedagog kadrlarni tayyorlash, malakasini oshirish va stajirovkasini tashkil etishga qaratilgani bilan ahamiyatlidir.

O‘zbekiston Respublikasi Prezidentining 2017 yil 24 maydagi “Qishloq va suv xo‘jaligi tarmoqlari uchun muhandis-texnik kadrlar tayyorlash tizimini tubdan takomillashtirish chora-tadbirlari to‘g‘risida”gi PQ-3003-sonli qaroriga belgilangan vazifalarni amalga oshirish maqsadida Toshkent irrigatsiya va qishloq xo‘jaligini mexanizatsiyalash muhandislari institutining rektori Umurzakov U.P. rahbarligida bir guruh professor-o‘qituvchilari 2018 yilning 12-19 aprel kunlari Rossiya Federatsiyasining nufuzli universitetlari  bilan  o‘zaro  hamkorlikdagi  ilmiy  va  ta'lim loyihalarini amalga oshirish, o‘quv jarayoniga rossiyalik professor-o‘qituvchilarni jalb qilish va tajriba almashish, ilmiy-pedagog kadrlarni tayyorlash, malakasini oshirish va stajirovkasini tashkil etish bo‘yicha Rossiya davlat agrar universiteti - K.A.Timiryazev nomidagi Moskva qishloq xo‘jaligi akademiyasining rektori G.D.Zolina, Moskva davlat yer tuzish universiteti rektori S.N.Volkov, Rossiya davlat xalqlar do‘stligi universiteti agrotexnologiyalar instituti direktori A.Dokukin rahbarligida bir guruh olimlar bilan uchrashuv o‘tkazildi. Bundan tashqari, Moskva davlat geodeziya va kartografiya universiteti va Moskva davlat qurilish universitetlariga tashrif buyurishdi.

2019-2021 yillarda Rossiya universitetlari kvotasi hisobidan 2 nafar  fan nomzodi va  1 nafar fan doktori ilmiy darajasiga ega bo‘lgan ilmiy pedagog kadrlarni tayyorlab berish, elektron ta'lim platformasiga TIQXMMIni kiritish va  masofaviy ta'limni yo‘lga quyish, o‘quv jarayonini sikl asosida tashkillashtirish va rossiyalik professorlarni jalb qilish, o‘quv-me'yoriy hujjatlarni takomillashtirish bo‘yicha muntazam ravishda tajriba almashish,   hammualliflikda adabiyotlarni yaratish, ta'limda ilmiy va xalqaro hamkorlik qilish, laboratoriyalar bo‘yicha multimediya va elektron dasturlarni hamkorlikda yaratish, universitetlar kutubxonalarining o‘quv va ilmiy manbalaridan TIQXMMI xodimlari erkin foydalanish imkoniyatlari yaratildi.