Toshkent shahrining Olmazor tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
Ma'lum bo‘lishicha, 23 aprel soat 03.00larda, Surxondaryo viloyati Boysun tumani O‘rmonchi mahallasida yashovchi, 1991 y.t. R.B. va O‘rta machay mahallasida yashovchi 1993 y.t. Sh.E. Farobiy ko‘chasi “Nihol” kafesi oldida joylashgan MChJlardan biriga tegishli (bankomat) to‘lov terminal apparatini buzib ochib, ichidan 3 mln 354 ming so‘m miqdoridagi pullarni o‘g‘irlab ketgan.
Ko‘rilgan choralar natijasida R.B. va Sh.E. ushlangan.
