O‘zbekiston mudofaa vaziri Pokiston harbiy delegatsiyasini kutib oldi

27 aprel kuni O‘zbekiston Respublikasiga rasmiy tashrif bilan Pokiston Islom Respublikasi Quruqlikdagi qo‘shinlari shtab boshlig‘i general Kamar Bajva boshchiligidagi harbiy delegatsiya keldi.  

O‘zbekiston Respublikasi Mudofaa vazirligi matbuot xizmatining xabar berishicha, Pokiston harbiy delegatsiyasini mudofaa vaziri general-mayor Abdusalom Azizov shaxsan qabul qilgan,

Uchrashuvda ikki tomonlama hamkorlikning bugungi holati muhokama qilinib, istiqboldagi rejalar belgilab olindi. Harbiy kadrlar tayyorlash, harbiy sanoat va harbiy texnik yo‘nalishlarida hamkorliklarni kuchaytirish borasida fikrlar almashildi.

Tashrif doirasida Pokiston harbiy delegatsiyasi Samarqand shahrining tarixiy va madaniy merosi bilan yaqindan tanishishi ko‘zda tutilgan.