A Seriya. "Yuventus" so‘nggi daqiqalarda 2ta gol urib, "Inter"dan g‘alabani tortib oldi

Italiya chempionatining 35-tur markaziy o‘yinida "Inter" o‘z maydonida "Yuventus"ni qabul qildi. 

Gollarga boy bo‘lgan uchrashuv 2:3 hisobida turinliklar foydasiga hal bo‘ldi. 

Duglas Kosta 13-daqiqada mehmonlarni hisobda oldinga olib chiqdi. 18-daqiqada Vesino qizil kartochka olib, maydon egalarini 10 kishi o‘ynashga majbur qildi. Ikkinchi bo‘limning 7-daqiqasida Ikardi oradagi farqni yo‘qqa chiqardi. 65-daqiqada Bardzali o‘z darvozasiga to‘p kiritib, "Inter"ni hisobda olib chiqdi. 87-daqiqada esa Shkrinyar ham avtogol urib, hisobni tenglashtirdi. O‘yinning asosiy vaqti tugashiga 1 daqiqa qolganida Iguain mehmonlarga g‘alaba keltirgan golni urdi. 

Inter – Yuventus 2:3 

Gollar: 0:1 – 13 Duglas Kosta, 1:1 – 52 Ikardi, 2:1 – 65, avtogol Bardzali, 2:2 – 87, avtogol Shkrinyar, 2:3 – 89 Iguain.
Inter – Xandanovich, Shkrinyar, D`Ambrozio (Karamo, 90), Joau Kanselu, Miranda, Vesino, Brozovich, Rafinya (Valero, 81), Kandreva, Perishich, Ikardi (Santon, 85).
Yuventus – Buffon, Bardzali, Rugani, Aleks Sandro, Xedira (Dibala, 61), Kuadrado, Matyuidi, Pyanich (Bentankur, 80), Duglas Kosta, Mandjukich (Bernardeski, 66), Iguain.
Ogohlantirishlar: Kuadrado (5), Pyanich (21), Bardzali (45), Mandjukich (52), D`Ambrozio (58), Aleks Sandro (77), Brozovich (88).
Chetlatish: Vesino (18).