Bu öyinga «Mançester Yunayted» YeÇL yöllanmasini rasmiylaştiriş uçun tuşdi va buni uddaladi. Raqibning holatidan kelib çiqqan holda bu qiyin iş emasdi. Mersisaydliklar ustozi Arne Slot bu öyinda jarohat tufayli Isak, Ekitike va Saloh kabi yetakçilaridan foydalana olmasdi, natijada hujum markazida Gakpo, öng qanot vingeri pozitsiyasida asli himoyaçi bölgan Frimpong tuşirildi.
Öyinning oltinçi daqiqasidayoq mezbonlar favorit maqomini tasdiqlaşdi. Robersonning burçak zarbasidan keyin töp jarima maydonidan uzoqlaştirildi va Kunya zarba beriş nuqtasiga çiqib borib, kuçli zarba yölladi. Uning birinçi zarbasi bloklandi, ammo takroriy zarbadan söng töp rikoşet orqali darvoza töriga borib tuşdi.
Va bir neça daqiqa ötib «Yunayted» ikkinçi golni urdi. Brunu boş bilan töpni darvozabon hududi turgan Şeşkoga yetkazdi, hujumçi esa imkoniyatdan foydalandi. Ammo mehmonlar darvozaboni zarbadan oldin qöllari uçi bilan töpga teginiş orqali portugaliyalik yarimhimoyaçini navbatdagi assistdan mahrum qildi.
Biroz ötib Brunu mezbonlarning uçinçi golini urişga yaqin kelgandi, ammo uning jarima maydoni markazidan yöllagan zarbasi biroz xato ketdi. «MYu» birinçi bölimda töpni raqibga topşirdi (38 ga 62 foiz), ammo qarşi hujumlarda vaziyatlarga ega böldi.
Tanaffusda «MYu» Şeşkoni almaştirişga majbur böldi (katta ehtimol bilan, slovakiyalik hujumçi kiçik jarohat olgan), uning örniga tuşgan Amad esa ikkinçi bölim boşidayoq maydon markazida töp yöqotdi. Soboslai esa töpni mezbonlar jarima maydoniga qadar olib bordi va olis burçakni aniq nişonga oldi.
Köp ötmay endi darvozabon Lammens ham xatoga yöl qöydi. U töpni uzoqlaştirişda noaniq harakat qildi. Raqib jarima maydonida töpga ega çiqqan mehmonlar esa bundan foydalanişdi.
Mavzuga oid
Soboslaidan uzatma qabul qilib olgan Gakpo amalda böş darvozani işğol etdi. «MYu» futbolçilaridan ikkita qöpol xato – va hisob tenglaşdi. Şu bilan birga, bu zarbalar mezbonlarning öyiniga ta’sir qilmadi. Brunu assistlar böyiça rekordni şu öyinda örnatişi mumkin edi, ammo ikkinçi bölimda uning uzatmalaridan keyin Mbemoning zarbasi ustunga bordi, Kazemiro esa töpni darvozabonning qöliga taşlab berdi.
Bunday vaziyatda ğalaba golini istalgan jamoa urib ketişi mumkin edi. Qaysidir pallada Lammens yaqin masofadan yöllagan zarbani tösib çiqişiga töğri keldi. Ammo yakunda mezbonlar öz maqsadiga erişişdi. Mak Allister töpni uzoqlaştira olmadi va hujumni ikkinçi tempda davom ettirgan Maynu jarima maydoniga yaqinlaşib bordi va burçakni aniq nişonga oldi. «Liverpul» posboni örnidan qimirlaşga ulgurmadi – 3:2.
Bu ğalaba «MYu»ga oltinçi örin bilan oradagi farqni 12 oçkoga yetkaziş imkonini berdi. Şu tariqa, jamoa 2026/2027 yillar mavsumida YeÇLda qatnaşişini kafolatladi. «Liverpul»da ham YeÇL yöllanmasi uçun imkoniyat yomon emas, jamoa «Aston Villa» bilan törtinçi va beşinçi örinlarni bölişib turibdi.
«Bornmut» yevrokuboklar uçun kuraşni davom ettirmoqda va oltinçi öringa kötarilib oldi. Öz navbatida, hozirda asosiy e’tiborini Konferensiyalar ligasiga qaratgan «Kristal Pelas» juda alamli gollarni ötkazib yuborişdi. Avvaliga burçak zarbasi ijro etilganida Lerma töpni öz jamoasi darvozasiga töğrilab yubordi. Keyin esa darvozabon Henderson töpga çiqişda xatoga yöl qöydi va Senesiga fol işlatdi. Belgilangan penaltini esa Krupi benuqson iero etib, amalda öyin taqdirini hal qildi. Ikkinçi bölim oxirlarida Rayan hisobni yirik körinişga keltirdi.
Ötgan uikendda «Tottenhem» yil boşidan buyon ilk ğalabasiga erişgandi, bu turda esa «Vest Hem»ning şanba kungi mağlubiyati tufayli londonliklarda xavfli zonadan çiqib oliş imkoniyati yuzaga kelgandi. Birminghemdagi safar öyinida ğalaba qozoniş oson emasdi. Ammo hozirda «Aston Villa» asosiy e’tiborini Yevropa Ligasiga qaratgani va Unai Emeri qator yetakçilarga dam berişga qaror qilgani «şporlar»ga qöl keldi.
Mehmonlar öyinni katta iştiyoq bilan boşlaşdi va 12-daqiqadayoq Gallaher hisobni oçdi. Biroz ötib Joau Palinyaning zarbasidan keyin töp ustunga bordi. Bölim örtalarida esa Rişarlison hisobni işonçli körinişga keltirdi. Buendiyaning javob goli juda keç urildi va londonliklar ğalabani saqlab qolib, 17-öringa kötarilib olişdi. Endi Roberto De Dzerbi keyingi turda turnirda motivatsiyasi qolmagan «Lids»ni qabul qiladi, «Vest Hem»ni esa «Arsenal»ga qarşi derbi kutmoqda. Şunday ekan, «şporlar»da ligada qoliş imkoniyati «bolğaçilar»nikiga qaraganda yaxşiroq.
Ispaniya: Vinisiusning ikki şedevri
«Espanyol» – «Real» 0:2
Gollar: Vinisius Junior, 55 (0:1). Vinisius Junior, 66 (0:2)
«Espanyol»: Dmitroviç, Kalero, Kabrera, Romero, Al Hiloliy, Gonsales de Sarate, Eksposito (Pikel, 61), Terrats (Karreras, 73), Dolan (Pere Milya, 73), Sançes (Roka, 61), Fernandes (Kike Garsiya, 73)
«Real»: Lunin, Ryudiger, Hausen, Mendi (F. Garsiya, 14), Aleksandr-Arnold, Tşuameni (Kamavinga, 83), Pitarç (Mastantuono, 53), Bellinghem, Dias (G. Garsiya, 53), Valverde, Vinisius Junior (Palasios, 84)
Ogohlantirişlar: Al Hiloliy, 26. Eksposito, 45. Gonsales de Sarate, 85 – Dias, 22. Vinisius Junior, 23. Aleksandr-Arnold, 50. G. Garsiya, 75
Kataloniyadagi öyindan oldin turnir jadvalidagi vaziyat oddiy edi: «Real» oçko yöqotişi «Barselona»ni mavsum yakuniga tört tur qolganida çempionga aylantirardi. Natijada 10 mayga belgilangan klasiko arafasida butun Ispaniya bir mavzuni muhokama qilgan bölardi: madridliklar «Kamp Nou»da çempionlik yölagi taşkil etadimi?
Mbappening navbatdagi jarohati tufayli madridliklar amalda markaziy hujumçisiz öynamoqda. Bu esa tabiiyki jamoaning hujumkorligiga ta’sir körsatmoqda va birinçi bölimdagi eng yodda qolarli vaziyat golli vaziyat emas, Mendining jarohati böldi. Deyarli butun mavsumni jarohatini davolaş yoki formasini tiklaş bilan ötkazib yuborgan fransiyalik himoyaçi 14-daqiqada öz örnini Fran Garsiyaga böşatib berişga majbur böldi.
Tanaffusdan keyin esa «Real» nihoyat gol urdi. Vinisius Gonsalo Garsiya bilan devor uslubida harakat qilib, kerakli vaqtda pauza oliş orqali ikki himoyaçini doğda qoldirdi va töpni darvoza töriga yölladi. Braziliyalik hujumçining ikkinçi goli ham çiroyli çiqdi – Bellinghem unga tovoni orqali golli pas berdi. Bu dubldan keyin Vini «Real» tarixidagi eng yaxşi töpurarlar röyxatida 14-öringa (126 gol) kötarilib oldi. U yana bir aniq zarba evaziga Fernando Yyerroning natijasini takrorlaşi mumkin. Eng muhimi jamoa kataloniyaliklarning çempionligini ortga surdi va klasiko arafasida azaliy raqibiga çempionlik yölagi taşkil etişiga hojat qolmadi.
Italiyada YeÇL uçun kuraş qizimoqda, skudetto ğolibligi masalasi esa yopildi. Amalda «Inter» bu mavsumda çempion bölişiga ançadan buyon deyarli heç kimda şubha qolmagandi, 21-titulni rasmiylaştiriş uçun milanliklar bu turda uyda «Parma»ga yutqazmasligi kifoya edi. Ammo Kristian Kivu çempionlikni çiroyli tarzda rasmiylaştiriş uçun maydonga tuşdi. Mehmonlar bunga ança vaqt qarşilik körsatişdi, vaziyatlardan birida darvozabon Sudzuki tösindan tuşgan töpni darvoza çiziği ustida töxtatib qoldi. Ammo birinçi bölimga qöşib berilgan daqiqalarda Tyuram yaponiyalik darvozabonga heç qanday imkon qoldirmadi.
Ikkinçi bölimda muxlislar uzoq vaqtdan buyon jarohatda bölgan Lautaro Martinesni qarşi olişdi. U qaytişini gol bilan nişonlaşga yaqin edi, lekin uning zarbasiga biroz aniqlik yetişmadi. Keyin esa Dyumfris u tomonidan yaratilgan golli vaziyatdan foydalana olmadi. Nihoyat Mxitaryan argentinalik hujumçining pasini golga aylantirib, öyin taqdirini uzil-kesil hal qildi – 2:0.
Bu ğalabadan söng, boş murabbiy Kristian Kivu şogirdlari musobaqa yakuniga 3 tur qolganida 82 oçko töpladi, eng yaqin ta’qibçi «Napoli» hisobida 70 oçko bor.
Şu tariqa, «Inter» ikki mavsumdan söng çempionlik unvonini qaytarib oldi. Milanliklar oxirgi marta 2023/24 yillar mavsumda ğolib bölgan edi.
2025 yil iyun oyida «Inter» boş murabbiyi bölgan ruminiyalik mutaxassis Kristian Kivu murabbiylik faoliyatidagi ilk sovrinini qölga kiritdi. U Joze Mourinioodan keyin (2008/09 va 2009/10 yilgi mavsumlar) A Seriyada ğalaba qozongan birinçi xorijlik murabbiy böldi. Öşa yillarda Kivuning özi portugaliyalik murabbiy qöl ostida «Inter» himoyasida öynagan. Şundan beri Italiya çempionatida faqat italiyalik murabbiylar ğalaba qozongan edi: Massimiliano Allegri, Antonio Konte, Mauritsio Sarri, Stefano Pioli, Luçano Spalletti va Simone Inzagi.
Italiyada skudettolar soni böyiça «Inter» ikkinçi örinda turadi: 21 ta titul. Rekordçi – «Yuventus» (36 ta sovrin). «Milan»da – 19 ta.
Kivu jamoasida mavsumni oltin dubl bilan yakunlaş uçun ajoyib imkoniyat bor. 13 may kuni «neradzurrilar» Italiya kubogi finalida «Latsio» bilan öynaydi.
