Kim Chen In Yaponiya bilan muloqotga tayyorligini ma'lum qildi

Foto: KCNA

KXDR rahbari Kim Chen In Tokio bilan istalgan vaqtda muloqot o‘tkazishga tayyor. Bu haqda RIA «Novosti» Janubiy Koreya yetakchisi Mun Chje In va Yaponiya bosh vaziri Sindzo Abening telefon orqali muloqoti yakunlari bo‘yicha xabarnomaga asosan ma'lum qildi.

«Mun Chje In bosh vazir Abega rais Kim Chen In KXDR Yaponiya bilan istalgan vaqtda muloqotga tayyor ekani haqida ma'lum qilganini aytdi», - deyiladi xabarnomada.

Shuningdek, hujjatda ta'kidlanishicha, Mun Chje In Shimoliy Koreya va Yaponiya muzokaralarida yordam berishga tayyor.

Eslatib o‘tamiz, avvalroq Shavkat Mirziyoyev KXDR va Janubiy Koreya yetakchilari uchrashuviga munosabat bildirgandi.