Mun Chje In reytingi Kim Chen In bilan uchrashuvdan so‘ng yuqoriladi

Foto: AP

Janubiy Koreya prezidenti Mun Chje Inning reytingi KXDR yetakchisi Kim Chen In bilan tarixiy uchrashuvdan so‘ng o‘sdi. Bu haqda «Ryonxap» Realmeter kompaniyasi so‘rovi ma'lumotlariga asosan xabar bermoqda.

Xususan, bir hafta davomida davlat rahbari reytingi 2,2 foiz punktiga yuqoriladi – endilikda janubiy koreyalik fuqarolarning 70 foizi uning siyosatini ma'qullamoqda.

Realmeter ma'lumotlariga ko‘ra, Mun Chje In ishini ma'qullaydiganlar foizi to‘rt oylik maksimumga yetdi.

Shu bilan birga, fuqarolarning 24,4 foizi davlat rahbari qanday ishlayotganidan norozi bo‘lib turibdi.