Pentagon suriyalik muxolifatchilar IShIDning qancha jangarisini asirda ushlab turganini ma'lum qildi

Pentagon rahbari Jyeyms Mettisning ma'lum qilishicha, Suriya demokratik kuchlari IShID terrorchilik guruhining 400dan ortiq jangarisini asirlikda ushlab turibdi. Bu haqda RIA «Novosti» xabar bergan.

«Mening fikrimcha, hozirgi kunda asirlikda bo‘lgan xorijiy jangarilar soni 400dan oshib ketdi. Biroq, ular bizda hibsda saqlanmayapti, shuning uchun bu raqamni «toshga o‘yib yozilgan» deb hisoblamang. Mening bilishimcha, Suriya demokratik kuchlari tomonidan 400dan ko‘proq xorijiy jangarilar qo‘lga olindi», - deya aytib o‘tdi Mettis.

Avvalroq, Xama va Halab viloyatlaridagi Suriya armiyasining bir nechta harbiy bazalari raketa hujumiga uchragani ma'lum bo‘lgandi. Suriyalik harbiylarning aniqlik kiritishicha, bazalarga «dushmanlar» raketalari bilan hujum qilingan. Ular batafsil ma'lumotni keltirishmadi. 

Pentagon esa 30 aprelga o‘tar tunda Suriyaga qarata berilgan zarbalarga Amerika armiyasining aloqasi yo‘qligini bildirdi.