18:41 / 04.05.2018
4838

Abdulaziz Komilov Dushanbeda AQSh delegatsiyasi bilan uchrashuv o‘tkazdi

Foto: TIV axborot xizmati

2018 yilning 4 may kuni O‘zbekiston Respublikasi tashqi ishlar vaziri Abdulaziz Komilov Dushanbe shahrida AQSh Davlat kotibining Janubiy va Markaziy Osiyo bo‘yicha yordamchisining o‘rinbosari Genri Ensher boshchiligidagi delegatsiya bilan uchrashdi. Bu haqda TIV axborot xizmati xabar bergan.

Suhbat chog‘ida turli sohalardagi O‘zbekiston-AQSh hamkorligining ayrim jihatlari hamda bo‘lajak ikki tomonlama uchrashuvlarga oid masalalar muhokama qilindi.

Uchrashuvda Tojikiston poytaxtida bo‘lib o‘tayotgan «Terrorizm va zo‘ravonlik ekstremizmiga qarshi kurash» mavzusidagi yuqori darajali xalqaro konferensiya kun tartibi nuqtai nazaridan xalqaro va mintaqaviy siyosatning ba'zi masalalari yuzasidan fikr almashildi.

Top