AQSh va Shimoliy Koreya ikki tomonlama sammit o‘tadigan sana va joyni kelishib oldi – ؘ Tramp

Foto: AP Photo/J. Scott Applewhite

AQSh prezidenti Donald Tramp AQSh va Shimoliy Koreyaning ikki tomonlama sammitini o‘tkazish joyi va vaqtini kelishib olishganini ma'lum qildi. Biroq Tramp kelishuvning tafsilotlarini keltirib o‘tirmagan.

“Bizda AQSh-KXDR sammitini o‘tkazish uchun joy va vaqt bor va yaqin orada buni e'lon qilamiz”, deb aytgan Tramp.

Ayni vaqtda AQSh va KXDR ikki yetakchi – Donald Tramp va Kim Chen Inning uchrashuvi detallarini muhokama qilmoqda. Avvalroq Tramp sammit qurolsizlashtirilgan hududdagi Pxanmundjom chegara punkti yoki Janubiy Koreyada 3-4 haftadan keyin o‘tishini ma'lum qilgandi.