Taxmin qilinishicha, Shimoliy Koreya yetakchisi Kim Chen In balandroq ko‘rinish uchun poyabzalini ichida maxsus patak bilan yuradi. Bu haqda Janubiy Koreyaning “Choson ilbo” nashri yozmoqda.
Nashr jurnalistlari Shimoliy Koreya va Janubiy Koreya yetakchilarining uchrashuvidagi surat bilan mutaxassislarga murojaat qilib, ulardan Kim Chen Inning tashqi ko‘rinishini tahlil qilib berishni so‘rashgan. Mutaxassislar Kim Chen In va Janubiy Koreya prezidenti Mun Chje Inning bo‘ylarini taqqoslab, Shimoliy Koreya yetakchisi janublik hamkasbidan 2-3 sm pastroq ekanini ta'kidlab o‘tishgan. Ta'kidlanishicha, Mun Chje Inning bo‘yicha 168 smga yaqinni tashkil qiladi.
Mutaxassislar Kim Chen In tuflisining antiqa shakliga e'tibor qaratishib, u balandroq ko‘rinish uchun maxsus patak kiyib yurishini taxmin qilishgan. Bunga ko‘ra Shimoliy Koreya yetakchisining haqiqiy bo‘yi 162,5 smga yaqinni tashkil qilishi taxmin qilingan.
