«Manchester Siti»ning bayram o‘yini nursiz durang bilan tugadi

Angliya premer-ligasining 37-turidan o‘rin olgan ahamiyatga molik uchrashuvlardan biri Manchesterda bo‘lib o‘tdi. Unda chempionlik masalasini hal qilgan «Manchester Siti» ligada qolish uchun kurash olib borayotgan «Haddersfild»ni qabul qildi.

90 daqiqa davomida mezbonlar ham, raqib jamoa ham xarchand urinishmasin darvozalarga yo‘l topa olishmadi. «Manchester Siti»ga kubok topshirilishi lozim bo‘lgan uchrashuv shu tariqa nursiz durang natija bilan yakuniga yetadigan bo‘ldi.

Ushbu natijadan keyin «Manchester Siti» hisobidagi ochkolar soni 94taga yetdi va ikki rekord (95 ochko va 31-g‘alaba) ortga suriladigan bo‘ldi.

Angliya premer-ligasi
37-tur

Manchester Siti – Haddersfild 0:0
Manchester Siti: Ederson, Stounz (Bernardu Silva, 73), Otamendi, Uoker, Delf (Mendi, 57), Silva, Fernandino, Sterling, de Bryuyne (Gyundogan, 67), Sane, Gabriel Jyezus.
Haddersfild: Lessl, Yorgensen, Shindler, Kongolo, Xaderdjonay, Pritchard (van La Parra, 82), Xogg, Smit, Muy, Leve (Meloun, 78), Mune (Depuatr, 60).
Ogohlantirishlar: Smit (66), Leve (76), van La Parra (87).