«Manchester Yunayted» qimmatbaho transfer bo‘yicha kelishuvga erishdi

«Latsio» yarimhimoyachisi Sergey Milinkovich-Savich Angliyada faoliyatini davom ettirishga yaqin turibdi. Bu haqda The Sun nashri xabar tarqatdi.

 Manba bergan xabarga ko‘ra, 23 yoshli serbiyalik yarimhimoyachi «Manchester Yunayted» bilan og‘zaki kelishuvga erishgan. Shuningdek «qizil iblislar» uning transferi uchun talab qilinayotgan 90 million yevroni ham to‘lashga rozi bo‘lgan. Agar bu transfer amalga oshsa, Sergey Pol Pogbadan keyin jamoa tarixidagi ikkinchi qimmatbaho futbolchi bo‘ladi.

Joriy mavsumda Milinkovich-Savich barcha musobaqalarda 45 uchrashuvda maydonga tushib, 13 gol va 9 golli uzatma muallifi bo‘lgan.