Foto: AFP 2018 / Arif Ali
Pokistonning Naroval shahrida (Panjob viloyati) mamlakat ichki ishlar vaziri Ehson Iqbolga suiqasd uyushtirildi. Oqibatda vazir o‘qotar quroldan jarohat olgan, deb xabar bermoqda Geo TV telekanali.
Ma'lum qilinishicha, voqea namoyish vaqtida yuz bergan. Iqbol o‘z avtomobilida bo‘lganda 20-22 yoshlardagi yigit unga to‘pponchadan o‘q uzgan.
O‘q vazirning o‘ng yelkasiga tekkan va u shoshilinch ravishda shifoxonaga yetkazilgan. Ta'kidlanishicha, hozirda Iqbolning holati barqaror va uning hayoti xavf ostida emas.
Bosqinchi hibsga olingan. Jinoyatni sodir etishga nima sabab bo‘lgani ma'lum qilinmagan.
