Zinchenko APL kubogini tushirib yubordi, Ramos uni qayerda tuzatish mumkinligini aytdi

Angliya Premer-Ligasining 37-turidan o‘rin olgan «Manchester Siti» — «Haddersfild» (0:0) o‘yinidan so‘ng, «shaharliklar»ni chempionlik bilan qutlash marosimi bo‘lib o‘tdi. 

Tadbirda «Manchester Siti» yarimhimoyachisi Aleksandr Zinchenko bexosdan kubokni turtib yubordi va u yerga tushib ketgan edi. Yaxshiyamki, sovringa ziyon yetmadi va tashkilotchilar kubokni tezda joyiga qaytarib qo‘yishdi.

Keyinchalik, «Siti» futbolchisi Ilkay Gyundogan qulab tushayotgan kubok suratini tvitterga joylashtirib: «Sovrinlarni tuzatadigan joyni kim biladi? Do‘stim uchun so‘rayapman» - degan yozuvni qoldirdi.

Uning tvitiga «Real» sardori Serxio Ramos javob qaytardi.

«Bir ikkita joyni bilaman, ammo 2011 yildan beri ularga qo‘ng‘iroq qilmaganman. Sovrinlarni o‘sha yili tushirib boshlaganman, u paytlari bu hali odatga aylanmagan edi».

Ma'lumki, 2011 yilda «Real» Ispaniya Kubogi bilan usti ochiq avtobusda aylanayotganida, Ramos uni behosdan qo‘lidan tushirib yuborgan va sovrin avtobus g‘ildiraklari tagida qolgan edi.