Eron kuchlari Isroil pozitsiyalariga raketa zarbasi berdi – OAV

Eronning Suriyadagi kuchlari Isroilning Golan tepaliklaridagi pozitsiyalariga 20 ta raketa bilan zarba berishdi. Bu haqda tvitterda “Galey TsAXAL” radiostansiyasining muxbiri ma'lum qildi. 

Uning aytishicha, zarba oqibatida qurbonlar bo‘lmagan. Talofatlar haqida ham hech narsa ma'lum qilinmagan.

Muxbirning ta'kidlashicha, isroillik harbiylar hujumga javoban raketalarga qarshi mudofaa tizimini qo‘llab, bir nechta raketalarni urib tushirishgan. Uning aytishicha, Isroil hukumati hujumni Eron tomonidan sodir etilgan, deb hisoblamoqda. Mahalliy aholiga milliy xavfsizlik kuchlari ko‘rsatmalariga amal qilish aytilgan.

Shu bilan birga Yaqin Sharqdagi vaziyatni monitoring qilish bilan shug‘ullanuvchi Directorate 4’ning ma'lum qilishicha, hujum Suriya qo‘shinlari tomonidan amalga oshirilgan.