Tog‘ va tog‘oldi hududlarida sel kelishi xavfi bor - FVV

O‘zgidromet bergan ma'lumotga ko‘ra, joriy yilning 12-17 may kunlari Turkmaniston Respublikasidan Povoljye orqali O‘zbekiston Respublikasi hududiga nam va sovuq havo oqimi kirib kelishi kutilmoqda, deb xabar qilyapti FVV Favqulodda vaziyatlarda boshqaruv markazi.

Qayd etilishicha, 12-17 may respublika bo‘yicha vaqti-vaqti bilan yomg‘ir yog‘adi, shamol tezligi 15-20 m/s bo‘lishi mumkin. Tog‘li hududlarda esa kuchli yomg‘ir, momaqaldiroq bo‘lishi kuzatiladi.

12-17 may kunlari respublikaning tog‘ va tog‘oldi hududlarida sel kelishi kutilmoqda, deyiladi xabarda.