Tbilisida klublardagi maxsus amaliyotdan so‘ng tartibsizliklar boshlandi

Gruziya IIV Tbilisidagi «Bassiani» va «Galeri» tungi klublarida tintuvlar o‘tkazdi, shundan so‘ng shaharda tartibsizliklar boshlandi. Bu haqda Gruziya OAV xabar bermoqda.

Mahkamadan bildirishlaricha, klublarda giyohvand moddalarni sotish holatlarini aniqlash uchun maxsus amaliyot o‘tkazishga uch oy davomida tayyorgarlik ko‘rilgan. 12 may kuni kechqurun ikkita klubdagi tintuvlar yakunlari bo‘yicha sakkiz kishi qo‘lga olindi.

Bu klublarga tashrif buyurganlar Rustaveli shoh ko‘chasidagi parlament binosi oldida norozilik aksiyasi o‘tkazishdi, deb xabar bermoqda Gruziyaning «Pervyy kanal»i. Politsiya yetib kelganidan so‘ng tartibsizliklar boshlangan, jumladan, namoyishchilarning huquqni muhofaza qiluvchi organlar vakillari bilan to‘qnashuvlari yuz bergan.

Voqea joyiga kuchishlatar idoralarning qo‘shimcha otryadlari safarbar etildi. Ta'kidlanishicha, hozirgi paytda qancha kishi qo‘lga olingani noma'lum bo‘lib turibdi.

Eslatib o‘tamiz, avvalroq Ostona va Olmaotada norozilik namoyishlari bo‘lib o‘tgani, o‘nlab kishilar qo‘lga olingani xabar berilgandi.