Toshkentdagi ba'zi ko‘chalarda avtotransport harakati bir tomonlama cheklanadi – hokimlik

Poytaxtdagi bir qator ko‘chalarda avtotransport harakati bir tomonlama cheklanadi. Toshkent shahar hokimligi axborot xizmati bu haqda xabar bergan.

«TOSHISSIQQUVVATI» davlat unitar korxonasi 2018-2019 yillar kuz-qish mavsumiga tayyorgarlik ko‘rish tadbirlari dasturiga asosan 2018 yilning 12 may kunidan boshlab  shahrimizning Mirobod tumani, Nukus ko‘chasi bo‘ylab o‘tgan magistral issiqlik tarmoqlarida kapital ta'mirlash ishlari olib borilishi munosabati bilan Nukus ko‘chasining, Kichik Beshyog‘och va Mirobod ko‘chalari bilan  kesishmalari oraligida  avtotransport harakatining bir tomonlama cheklanishini  ma'lum qiladi.

«TOSHISSIQQUVVATI» davlat unitar korxonasi piyodalar va avtotransport harakatida  yuzaga keladigan  vaqtinchalik noqulayliklar uchun uzr so‘raydi», - deyiladi xabarda.

Eslatib o‘tamiz, avvalroq Toshkentdagi ba'zi ko‘chalarda avtotransportlar harakati velomarafon o‘tkazilishi tufayli vaqtincha cheklanishi xabar berilgandi.