Tramp va Kim Chen In uchrashuvida Xitoy rahbari ham qatnashishi mumkin

Xitoy xalq respublikasi raisi Si Jinping AQSh prezidenti Donald Tramp va KXDR rahbari Kim Chen Inning Singapurdagi uchrashuvi chog‘ida hozir bo‘lishi mumkin. Bu haqda  telekanali o‘z manbasiga asoslangan holda xabar tarqatdi.

Telekanal ma'lumotiga ko‘ra, tomonlar Koreya yarim orolidagi vaziyatni muhokama qilishlari ko‘zda tutilgan.

Qayd etilishicha, 1953 yili Koreya urushi yakunidagi sulh tuzilishi vaqtida ham AQSh va Shimoliy Koreya rahbarlari bilan birga Xitoy rahbari ham ishtirok etgandi.

Bundan oldinroq OAVda AQSh prezidenti Kim Chen In bilan 12 iyun kuni Singapurdagi uchrashuv yakunida Koreya yarim orolidagi urush holati barham topganini e'lon qilishi kutilayotgani to‘g‘risida xabar berilgandi.