Lionel Messi: «Real» yomon o‘ynasa ham, natijaga erishmoqda»

«Barselona» hujumchisi Lionel Messi «Real»ning tarkibi va o‘yini, shuningdek Chempionlar Ligasidagi muvaffaqiyatsizlik haqida gapirdi.

«Real»ning barcha nuqtalarida, xuddi bizdagi kabi, dunyoning eng yaxshi futbolchilari o‘ynamoqda.

Biroq, Madrid klubida faqat ularga xos bo‘lgan narsa bor. Yomon o‘ynasa ham, ular natijaga erishmoqda. Biz ularni mag‘lub etish uchun yanada yaxshi jamoa bo‘lishimiz shart.

Chempionlar Ligasi chorakfinalida biz «qovun tushirib qo‘ydik». O‘z uyimizda erishgan natijadan kelib chiqib («Roma»ga qarshi o‘yinda - 4:1), biz yarimfinalga chiqishimiz shart edi. Bu biz uchun katta muvaffaqiyatsizlik bo‘ldi», – deb Messi so‘zlarini keltirmoqda TyC Sports.