Poroshenko prezident sifatida erishgan uch asosiy yutuq haqida gapirib o‘tdi

Ukraina prezidenti Pyotr Poroshenko mamlakat rahbari sifatida erishgan uch asosiy yutuq haqida gapirib o‘tdi.

Uning aytishicha, mamlakat uchun eng ahamiyatli yutuqlar “Ukraina armiyasining kuchaytirilishi, Yevropa ittifoqi bilan birlashish haqidagi kelishuv imzolanishi va 100 dan ortiq davlat bilan vizasiz tartibga erishish” bo‘lgan.

Poroshenko mamlakatning mudofaa qobiliyati va qurolli kuchlarining holatiga alohida to‘xtalib o‘tgan. Uning ta'kidlashicha, boshqa davlatlar mudofaaga yalpi ichki mahsulotlarining bor-yo‘g‘i 1 foizini ishlayotgan bir paytda, Ukraina 6 foizga yaqinini sarflaydi.

Shu bilan birga Poroshenko bu mablag‘lar boshqa maqsadlar uchun qo‘llanib, mamlakatdagi turmush tarzini ancha yaxshilashga imkon berishi mumkinligi, biroq vaziyat shuni taqozo qilayotganini aytgan.