Sirdaryoda fermer xo‘jaligi ishchilari 3 kilogramm marixuana bilan ushlandi

18 may kuni Sirdaryo viloyatining Xovos tumanida “Qoradori-2018” tadbiri o‘tkazilgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, tadbir davomida, “Shunqor Asadbek” fermer xo‘jaligi ishchilari, Jizzax viloyati Zomin tumanida yashovchi I.J va M.E. ketayotgan I.J. boshqaruvidagi “VAZ-21011” rusumli avtomashinasi yukxonasidan 3 kg. 330 gr. “marixuana” giyohvandlik moddasi topilib, daliliy ashyo sifatida olingan.

Eslatib o‘tamiz, avvalroq Samarqandda qariyb 5 kilogramm marixuana topilgandi.