Toshkent shahar hokimligi Obodonlashtirish bosh boshqarmasiga Azamjon Mahamadjonovich Rizashov yangi boshqaruvchi etib tayinlandi. Bu haqda Toshkent hokimligi matbuot xizmati xabar bergan.
Foto: Toshkent hokimligi matbuot xizmati
Azamjon Rizashov bunga qadar Obodonlashtirish bosh boshqarmasining Kanallarni saqlash, foydalanish, ta'mirlashga ixtisoslashtirilgan boshqarmasida boshliq o‘rinbosari lavozimida ishlagan.
U 1967 yili Qirg‘iziston hududida, O‘sh viloyatida tug‘ilgan, millati o‘zbek. 1991 yili Toshkent avtomobil yo‘llar institutini tamomlagan.
2002-2006 yillarda Obodonlashtirish bosh boshqarmasi boshqaruvchisi o‘rinbosari, 2006-2012 yillarda Obodonlashtirish bosh boshqarmasi boshqaruvchisi, 2012-2014 yillarda «Maxsustrans» korxonasi bosh muhandisi lavozimlarida ishlagan.
