Chiroqchida tepalikda qoldirilgan avtomobil o‘zining egasini bosib ketdi

25 may kuni Qashqadaryo viloyatining Chiroqchi tumanida fojia yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilgan.

Qayd etilishicha, S.E. boshqaruvidagi “Neksiya” rusumli avtomashinasini yo‘l chetidagi tepalikka to‘xtatib, o‘zi suv olish uchun ariq yoniga tushgan vaqtida avtomashinasi harakatlanib ketgan va uni to‘xtatmoqchi bo‘lganida ehtiyotsizligi oqibatida avtomashina tagida qolib ketib, voqea joyida vafot etgan.