Чироқчида тепаликда қолдирилган автомобиль ўзининг эгасини босиб кетди

25 май куни Қашқадарё вилоятининг Чироқчи туманида фожиа юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилган.

Қайд этилишича, С.Э. бошқарувидаги “Нексия” русумли автомашинасини йўл четидаги тепаликка тўхтатиб, ўзи сув олиш учун ариқ ёнига тушган вақтида автомашинаси ҳаракатланиб кетган ва уни тўхтатмоқчи бўлганида эҳтиётсизлиги оқибатида автомашина тагида қолиб кетиб, воқеа жойида вафот этган.