Tojikistonning 9 millioninchi fuqarosi qiz chaqaloq bo‘ldi: qizcha 26 may kuni soat 06:30da Dushanbedagi 1-sonli tug‘uruqxonada dunyoga keldi. Ta'kidlanishicha, chaqaloqning vazni 3,6 kg, bo‘yi esa 51 sm. Bu haqda “Xovar” milliy axborot agentligi ma'lum qilgan.
Shu munosabat bilan qizchaning ota-onasiga poytaxt markazidan barcha qulayliklarga ega 3 xonali kvartira taqdim qilindi va uning kaliti topshirildi.
Qizchaning onasi dushanbelik 28 yoshli Nazira Mullajonova bo‘lib, ushbu chaqaloq uning ikkinchi farzandi bo‘ldi. Bungacha oilada bir o‘g‘il farzand bo‘lgan.