Iroq universitetida tahsil oluvchi bir guruh ko‘ngilli talabalar Mosul shahrini vayronalardan tozalab, madaniy boy merosni qayta tiklamoqchi bo‘lyapti.
Reuters agentligining yozishicha, dastlab, Rag‘od Hammadi va boshqa talabalar tashabbusi bilan Mosul universiteti Markaziy kutubxonasini qayta qurish g‘oyasi, keyinchalik, bunday ijtimoiy faollikni davom ettirishga undadi.
Tibbiyot fakultetida 25 yildan buyon ta'lim berayotgan Hammadining aytishicha, tarixi Iroq davlatidan ham ulug‘ bo‘lgan Al-Hadba minorasi va 30,000 kitob saqlab qolinishi kerak.
«Al-Hadba minorasi 12 asrga tegishli Katta al-Nuri masjidining bir qismi hisoblanadi. Afsuski, bu yerlar abgor holga kelib qoldi. Kitoblar orasida Muslavining qo‘lyozma asarlari ham mavjud», deydi u.
Shaharda yashovchi Diya Ol Toxirning ta'kidlashicha, Mosulning eski shahri vayronaga aylanib qolganiga qaramay, kishilar uylariga qaytib kelmoqda.
«Ammo, qashshoqlik IShID yetkazgan azobdan ham ko‘p kulfatlarni boshga solishi mumkin. Agar kishilar yegulik va ichimlik topolmasa, so‘ng, chorasizlik jinoyatga boshlaydi», deydi afsus bilan Diya.
