Toshkent viloyatida 10 ming dollarlik elektrodvigatellarni o‘marib ketishdi

Toshkent viloyatining Oqqo‘rg‘on tumanida jinoyat sodir bo‘ldi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 2018 yil 22 may kuni “Rahmonbek-Umr” MChJ rahbari R.U. IIBga murojaat qilib, shu yil 28 apreldan 19 maygacha bo‘lgan vaqt oralig‘ida noma'lum shaxs yuqoridagi MChJga devor oshish yo‘li bilan kirib, bug‘doyni qayta ishlab, un mahsulotini chiqarishga mo‘ljallangan umumiy qiymati 10 ming 253 AQSh dollari bo‘lgan 14 ta elektrodvigatel va 28 ta tasmalarini o‘g‘irlab ketganligini ma'lum qilgan. 

Ko‘rilgan choralar natijasida ushbu jinoyatni muqaddam sudlanganlar A.A., B.O. va S.M. sodir etganligi aniqlanib, qo‘lga olinganlar.