Oroldan ko‘tarilgan tuz-qum Turkmanistongacha yetib bordi   

Oroldan ko‘tarilgan tuz-qum shamoli Turkmanistonga yopirilib, mamlakat poytaxti Ashxobodgacha yetib bordi.

Avvalroq bo‘ron O‘zbekistonning Xorazm, Buxoro va Navoiy viloyatlarida kuzatilgandi. Turkmanistonning Labop viloyati ushbu viloyatlar bilan chegaradosh.

Ba'zi ma'lumotlarga ko‘ra, qum zarralari orasida azot o‘g‘itlari ham bo‘lgan. Shu sababli aholiga uylar oynalarini yopiq holda tutish, ochiq havoda bo‘lishni cheklash va dokali respiratorlar taqib yurish tavsiya qilingan.