Foto: Dikgazete.com
Anqarada Turkiya prezidenti Rajab Toyyib Erdo‘g‘an raisligida mamlakat milliy xavfsizlik kengashi yig‘ilishi bo‘lib o‘tdi.
Yig‘ilishning yakuniy deklaratsiyasida Turkiya falastin xalqining o‘z huquqlari uchun kurashini har tomonlama qo‘llab-quvvatlashni davom ettirishi ta'kidlab o‘tilgan.
Hujjatda, shuningdek, terrorchilikni yashirin yoki ochiqcha qo‘llab-quvvatlovchi davlatlarni halqaro huquqqa amal qilishga chaqiriq bor.
Hujjatda Egey dengizi va O‘rta yer dengizi sharqida Turkiyaga qarshi ig‘vogar harakatlar mavzusiga to‘xtab o‘tilgan. Ta'kidlanishicha, Anqara bunday harakatlarga qarshi hech ikkilanmasdan xalqaro kelishuvlardan kelib chiqqan holda choralar qo‘llaydi.
