Andijon shahar IIBda Shuhrat Parpiyev o‘rniga yangi boshliq tayinlandi

Andijon shahar ichki ishlar bo‘limi boshlig‘i vazifasida  yangi rahbar ish boshladi. Bu haqda Kun.uz muxbiri xabar bermoqda.

Ma'lumotlarga ko‘ra, polkovnik Saidkarim Abduhokimovich Nishanbayev bugun ushbu lavozimga tayinlangan.

Eslatib o‘tamiz, o‘tgan  haftada  Davlat soliq qo‘mitasi sobiq raisi Botir Parpiyevning jiyani Shuhrat Parpiyev Andijon shahar ichki ishlar bo‘limi boshlig‘i lavozimidan ketganligi haqida xabar berilgandi.