Sirdaryoda MFY rais kotibi 24 yoshli qizning qotilligida gumonlanib ushlandi

Illyustrativ foto/RIA Novosti

3 iyun kuni Sirdaryo viloyatining Boyovut tumanida yashagan M.N. ismli qizning Xovos tumanida bo‘yin qismiga o‘tkir tig‘li jism bilan jarohat yetkazilgan, hamda ikkala qo‘llari bog‘langan holda jasadi topilgan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Olib borilgan qidiruv surishtiruv ishlari natijasida ushbu jinoyatni Boyovut tumanida yashovchi “Do‘stlik” MFY rais kotibi G‘.Q. sodir etganligi aniqlanib ushlangan.