AQSh sobiq mudofaa vaziri vafot etdi

Foto: AP

AQSh Mudofaa vazirligi sobiq rahbari Frenk Karluchchi 88 yoshida hayotdan ko‘z yumdi. Bu haqda Pentagon saytida xabar berilgan.

Ta'kidlanishicha, AQSh amaldagi mudofaa vaziri Jyeyms Mettis Karluchchining vafoti munosabati bilan o‘z ta'ziyasini izhor etgan.

Uning so‘zlariga ko‘ra, Karluchchi Mudofaa vazirligi rahbari bo‘lishidan avval, AQSh harbiy-dengiz kuchlari leytenantidan MRB direktori o‘rinbosariga qadar bo‘lgan «og‘ir yo‘lni» bosib o‘tdi. Shuningdek, u AQSh mudofaa vaziri lavozimiga tayinlangunga qadar harbiy mahkamada qator boshqa lavozimlarni egallagan.

Shuningdek, uning qo‘shimcha qilishicha, Karluchchi AQSh mudofaa vaziri lavozimida 1987 yilda, «sovuq urush oxirlarida» ish boshlagan.

#AQSh #mudofaa #Frenk Karluchchi