O‘zbekistonda metsenatlar uchun samarali va ishonchli mexanizm ishlab chiqiladi

Metsenatlik to‘g‘risidagi qonunda asosiy e'tibor faqat metsenatlarga beriladigan imtiyozlarga qaratilmaydi. Asosiy maqsad metsenatlik an'anasini yo‘lga qo‘yishdan iborat. Bularning bari metsenatlarning samarali mexanizmga ega bo‘lishi uchun amalga oshirilmoqda, ya'ni benefitsiarlar metsenatlarga muayyan hisobot berib boradi. Madaniyat vazirligi qoshidagi Madaniyat va san'atni rivojlantirish fondi huquqshunosi Anton Kim Xalqaro Press-klubning metsenatlik an'anasiga bag‘ishlangan sessiyasi doirasida shunday bayonot berdi.

"Tasavvur qiling, siz - metsenatsiz. Tabiiyki, siz benefitsiarlardan mablag‘laringiz kerakli maqsadlarga sarflanganiga doir hisobot olish imkoniga ega bo‘lishni istaysiz. Biz aynan shunday mexanizmni ko‘zlayapmiz. Bunday hisobotlar ommaviy axborot vositalari yoki benefitsiarlarning saytlarida taqdim etib boriladi", - deydi u. 

Shu o‘rinda ekspert Rossiya qonunchiligida Metsenatlik to‘g‘risidagi qonun tanazzulga uchraganini eslatib o‘tdi. Uning so‘zlariga ko‘ra, RFda ikki marta - 2008 va 2013 yilda metsenatlik to‘g‘risidagi qonun muhokamaga qo‘yilgan. "Ikkinchi urinishda qonun qabul qilinganiga qaramay, u amalda ahamiyatsiz. RFning metsenatlik to‘g‘risidagi qonuni hech qanday imtiyozlar taqdim etmaydi", - qo‘shimcha qildi  Anton Kim.

Ma'lumot uchun: Mesentalik faoliyati - bu benetsiar (pul mablag‘larini qabul qiluvchi yuridik yoki jismoniy shaxs) tomonidan O‘zbekiston Respublikasining moddiy va nomoddiy madaniy merosini tashkil qiluvchi madaniy obektlarni qo‘llab-quvvatlash va rivojlantirish maqsadida beminnat asosda har qanday mulkiy huquqlarning berilishi, pul qiymatiga ega ishlarning bajarilishi, xizmatlarning taqdim etilishi.