Polshada avtobusning yuk mashinasiga urilishi oqibatida 43 bola jabr ko‘rdi 

Polshada boshlang‘ich maktab o‘quvchilarini olib ketayotgan avtobusning yuk mashinasiga urilishi oqibatida 43 bola va 6 nafar katta yoshli jabr ko‘rdi. Bu haqda Gazeta Krakowska nashri ma'lum qildi. 

OAV ma'lumotlariga ko‘ra, 4 kishining ahvoli og‘ir. Biroq hozircha gap kattalar yoki bolalar haqida ketayotgani noma'lum.

Avtobus ekskursiyadan keyin Varshavaga qaytayotganda avariyaga uchragan. Yo‘l transport hodisasi yuz bergan trassa to‘liq to‘sib qo‘yilgan.