Польшада автобуснинг юк машинасига урилиши оқибатида 43 бола жабр кўрди

Фото: Gazeta Krakowska

Польшада бошланғич мактаб ўқувчиларини олиб кетаётган автобуснинг юк машинасига урилиши оқибатида 43 бола ва 6 нафар катта ёшли жабр кўрди. Бу ҳақда Gazeta Krakowska нашри маълум қилди.

ОАВ маълумотларига кўра, 4 кишининг аҳволи оғир. Бироқ ҳозирча гап катталар ёки болалар ҳақида кетаётгани номаълум.

Автобус экскурсиядан кейин Варшавага қайтаётганда аварияга учраган. Йўл транспорт ҳодисаси юз берган трасса тўлиқ тўсиб қўйилган.