Floridada noma'lum shaxs politsiyaga o‘q uzib 4 bolani garovga oldi

Orlando shahri (Florida shtati)da noma'lum shaxs o‘t ochib, turar-joylardagi xonadonlardan biridagi to‘rt bolani garovga olgan. Fox News telekanali shu haqida xabar berdi. 

Manbaga ko‘ra, otishma natijasida politsiyachilardan biri jiddiy jarohat olgan va shifoxonaga yetkazilgan.

Telekanalda ma'lum qilinishicha, otishmadan keyin erkak 1, 7, 10 va 12 yoshdagi bolalarni garovga olib, xonadonga yashiringan. Bolalar gumonlanuvchining farzandlari bo‘lishi ham mumkin, degan taxminlar bor.

Hozirda maxsus  kuchlar gumondor bilan muzokaralar olib borishmoqda.

"Bizning asosiy vazifamiz bolalarning xavfsizligi. Umid qilamanki, u tinch yo‘l bilan taslim bo‘ladi", - deydi politsiya boshlig‘i.