Buxorolik o‘g‘ri Toshkentdagi bozorda qo‘lga tushdi - IIV

11 iyun kuni Toshkent shahrining Chilonzor tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Noma'lum shaxs OAJ “Chilonzor buyum savdo kompleksi”ning avtomashinalar turargohida R.E. tomonidan qarovsiz qoldirilgan “Neksiya” rusumli  avtomashina eshigi ochiq qolganligidan foydalanib, o‘rindiq ustidan ichida 18 mln 500 ming so‘m puli bo‘lgan sumkasini o‘g‘irlab ketgan. 

Ko‘rilgan choralar natijasida ushbu jinoyatni Buxoro viloyati Jondor tumanida yashovchi, muqaddam sudlangan Z.E. sodir etganligi aniqlanib ushlangan.