Oliy ma’lumot – bu muvaffaqiyatga erishish yo‘lidir. Ta’limiy xizmatlar bozorida mavjud magistrlik dasturlaridan qaysi yo‘nalishni tanlagan ma’qul?
Ushbu masala va magistrlik dasturlarining istiqbollari haqida Toshkent shahridagi Xalqaro Vestminster universiteti (TXVU) magistrlik kurslari rahbarlari Ziyodulla Parpiyev, Xasan Sayfutdinov va Rustam Abduraupov bilan suhbat bo‘lib o‘tdi.
TXVUda magistratura kurslari tarixi 2006 yilda Xalqaro Biznes va Menejment (MA in International Business and Management) yo‘nalishida birinchi magistratura kursining tashkil qilinishi bilan boshlangan. Bugungi kunda xalqaro biznes dasturiga qo‘shimcha ravishda universitet Amaliy iqtisodiyot va Xalqaro tijoriy huquq kabi mutaxassisliklar bo‘yicha magistrlik dasturlarini taklif qiladi.
Ushbu dasturlar qanday sohalarda mutaxassislarni tayyorlaydi?
Har bir dastur o‘ziga xos o‘rniga va maqsadiga ega bo‘lib, ushbu dasturlar nafaqat O‘zbekistonda, balki xalqaro miqyosda talab qilinadigan mutaxassislarni tayyorlashga qaratilgan.
Ziyodulla Parpiyev (“Amaliy iqtisodiyot” kursining rahbari):
Amaliy iqtisodiyot bo‘yicha magistrlik dasturi o‘z faoliyatini xalqaro tashkilotlar, xususiy korxonalar (investitsion banklar, konsalting kompaniyalari va boshqalar) hamda investitsiyalarni jalb qilish bo‘yicha davlat idoralari, vazirliklarda iqtisodiy tahlilchi sifatida amaliyot yuritmoqchi bo‘lganlar uchun mo‘ljallangan.
Talabalarimiz zamonaviy iqtisodiy muammolarni tushunish qobiliyatini rivojlantirib, ilg‘or bilimlar va davlat siyosatini tahlil qilish usullarini hamda uning biznes tuzilmasiga ta’sirini amalda qo‘llashadi. Ular ma’lum bir mamlakatda iqtisodiy o‘sishni qay tarzda amalga oshirish, kompaniyaning muayyan bozorga chiqishi yoki chiqmasligi, korxonalar uchun normativ-huquqiy bazani o‘zgartirish natijalari qanday bo‘lishi kabi masalalar yechimini topishlari mumkin.
Talabalar muammolar haqida chuqurroq tushunish imkonini beradigan analitik dasturlar va usullarni o‘rganadilar. Masalan, soliq imtiyozlari iqtisodiy faoliyatni rag‘batlantirishi kerakligi barchamizga ma’lum. Biroq, bu holat har doim shundaymi yoki faqat ma’lum sharoitlardami, daromad solig‘i stavkasi 2 ball pastga tushirilsa, soliqni qancha miqdorda kamaytirishimiz kerak, bu yetarli bo‘ladimi, iqtisodiy faollik necha foizga ko‘payadi, 2 foiz, 5 foiz yoki 25 foizgami? Ushbu magistratura kursining bitiruvchilari bunday savollarga javob bera oladilar. Mazkur javoblar Stata yoki Eviews kabi dasturlar yordamida ma’lumotlarning professional darajada tahlil qilinishini talab qiladi. Ayni paytda bu magistrlik kursi mazkur dasturlarda professional tayyorgarlikni ta’minlaydigan O‘zbekistondagi yagona kurs hisoblanadi.
Hasan Sayfutdinov (“Xalqaro tijoriy huquq” kursining rahbari):
Xalqaro tijoriy huquq yo‘nalishi bo‘yicha magistrlik dasturi talabalarga xalqaro savdo huquqi asosida faoliyat yuritadigan chuqur va tizimli bilimlarni yetkazib berishga qaratilgan. Bitiruvchilar yuridik amaliyot asosida bank, moliya, sug‘urta, transport, boshqaruv, import va eksport, nizolarni hal qilish, konsalting, davlat sektori, xalqaro tashkilotlarda faoliyat yuritishlari, bundan tashqari, yuridik sohada ham ilmiy ishlarini davom ettirishlari mumkin.
Dasturga kiritilgan asosiy fanlar quyidagilar: xalqaro soliq qonunchiligi, xalqaro tijorat huquqi, elektron tijoratning huquqiy tomonlari, xalqaro tijorat arbitraji, xorijiy investitsiyalar bo‘yicha arbitraj, loyihalarni moliyalashtirish bo‘yicha xalqaro qonunlar va boshqalar.
Rustam Abduraupov (“Xalqaro biznes va menejment” kursining rahbari):
Xalqaro biznes va menejment bo‘yicha magistrlik dasturi strategik va operatsion boshqaruv, inson resurslarini boshqarish, marketing, moliya va ma’lumotlar tahlili kabi bir qator biznes boshqaruvi fanlariga yo‘naltirilgan. Kursning xalqaro yo‘nalishi biznes amaliyotini va madaniyatini batafsil tushunish uchun jahon ishlab chiqaruvchilari va xalqaro tovarlarni o‘rganishni o‘z ichiga olgan dasturni tashkil qiladi. Shuningdek, ushbu magistrlik kursi tanqidiy fikrlash ko‘nikmalarini, muzokaralar va muloqot qobiliyatlarini, ratsional qarorlar qabul qilish, mahalliy va global biznesning tez o‘zgaruvchanligi uchun zarur bo‘lgan boshqa bilimlarni rivojlantirishga yordam beradi.
TXVUda ta’lim tizimi
Magistrlik kurslaridagi barcha darslar talabalarga bir vaqtning o‘zida o‘qish va ishlash imkoniyatini berish uchun soat 18.30 da boshlanadi. Odatda dasturni tamomlash uchun ikki o‘quv yili talab qilinadi, lekin Xalqaro biznes va menejment va Amaliy iqtisodiyot kurslari bir yil ichida tugatilishi mumkin.
Barcha mashg‘ulotlar ta’lim va xususiy sektorda katta tajribaga ega bo‘lgan hamda o‘zlarining maqolalarini yetakchi xalqaro ilmiy jurnallarda faol ravishda nashr etadigan professional o‘qituvchilar tomonidan olib boriladi. Bundan tashqari, universitet biznes sohasidagi trenerlar va muvaffaqiyatli faoliyat yuritayotgan ishbilarmonlarni biznes sohasidagi so‘nggi yutuqlar, raqamli marketing, ekonometrik tahlil va globallashuv kabi turli mavzular bo‘yicha ma’ruzalar va seminarlar o‘tkazish uchun taklif qiladi.
Kirish talablari
Ariza topshirishni istaganlar kamida 6.5 (shu jumladan, yozuv imtihoni 6.0) IELTS bali yoki unga teng bo‘lgan boshqa sertifikat (TOEFL)ga ega bo‘lishlari kerak.
Magistrlik kurslarining o‘ziga xosligiga qarab, dasturlarda ish tajribasi va abituriyentlarning ta’limiga bog‘liq bo‘lgan ba’zi talablar mavjud. Masalan, “Amaliy iqtisodiyot” kursida nomzodning iqtisod, matematika yoki statistika bo‘yicha bilimlari mavjud bo‘lishi talab qilinadi. Xalqaro tijoriy huquq kursiga topshirish uchun huquqshunoslik yoki qonunchilik sohasida bakalavr darajasi yoki shu sohada ish tajribasiga ega bo‘lishi kerak. Xalqaro Biznes va Menejment kursida nomzoddan onlayn tarzda ro‘yxatdan o‘tilgan kunga qadar kamida o‘n ikki oylik ish haqi to‘lanadigan ish tajribasiga ega bo‘lishi talab qilinadi.
Magistrlik kurslarida o‘qish uchun www.wiut.uz veb-saytimiz orqali 2018 yil 12 avgustga qadar ariza berishingiz mumkin.
Qo‘shimcha ma’lumot uchun: 238-74-45
Reklama huquqi asosida
