Il-76 samolyoti yo‘l patrul xizmati xodimlari ustiga 40 tonna suv sepib yubordi (video)

Moskva viloyatida o‘t o‘chirish mashg‘ulotlari vaqtida Il-76 samolyoti adashib o‘rmon o‘rniga yo‘l chetida navbatchilik qilayotgan yo‘l patrul xizmati xodimlari ustiga 40 tonna suvni sepib ketdi. 

Ushbu holat qayd qilingan videoda politsiyachilardan biri ularning ustiga to‘satdan yopirilgan “jala”dan xizmat mashinasi ichida yashirinib olgani, ikkinchisi esa ko‘chada qolib ketib, jiqqa ho‘l bo‘lganini ko‘rish mumkin. 

YPX xodimlari ushbu holatga yumor bilan munosabat bildirib, uning videosi bilan bo‘lishishgan.