Россиялик машҳур режиссёр Станислав Говорухин 82 ёшида ҳаётдан кўз юмди. Бу ҳақида Давлат думаси спикери Вячеслав Володин берган маълумотга асосланиб, РИА "Новости" хабар берди. 

"Сизларига шуни маълум қилмоқчиманки, бугун соат 10:37 да "Барвиха" санаторийсида оғир ва давомли касалликдан сўнг ҳамкасбимиз Станислав Сергеевич Говорухин бу дунёни тарк этди. У касаллик билан охиригача курашди, бироқ касаллик уни енгди", - деди Володин.

Депутатлар кинематографист хотирасини бир дақиқалик сукут билан ёдга олишди. Дафн қилиш вақти ва жойи ҳозирча номаълум.

Станислав Говорухин кўп серияли "Учрашув жойини ўзгартириб бўлмайди" фильми орқали танилган. У шунингдек "Ўнта негр боласи", "Капитан Грантни излаб", "Вертикаль" ва бошқа ленталарни тасвирга олган.