Frantsuzlar Trampni tajovuzkor va xavfli deb hisoblashmoqda

Fransiya aholisining aksariyati AQSh prezidenti Donald Trampga salbiy munosabatda bo‘lib, uni tajovuzkor va xavfli inson, deb hisoblashmoqda. Bu haqda Le Figaro xabar berdi.

Ta'kidlanishicha, nashr tomonidan o‘tkazilgan so‘rovda ishtirok etgan respondentlarning 71 foizi Amerika prezidenti hamda uning faoliyatini salbiy baholashi haqida ma'lum qilgan.

Bundan tashqari, so‘rovda qatnashganlarning 86 foizi Trampni "tajovuzkor" inson, deb atagan. Frantsuzlarning taxminan 80 foizi AQSh prezidentiga "irqchi" deb baho bergan bo‘lsa, respondentlarning 81 foizi - "xavfli".

So‘rov ishtirokchilariga Tramp va KXDR yetakchisi Kim Chen In qatnashgan sammitga baho berish taklif etildi. Respondentlarning 70 foizi bu uchrashuvni "piar-qadam" sifatida qabul qilgan, uning natijalari mintaqada tinchlik o‘rnatilishiga olib kelmasligi mumkinligi aytildi.

So‘rov 13-14 iyun kunlari o‘tkazildi, unda 1 mingdan oshiq fransuzlar qatnashdi.

Eslatib o‘tamiz, avvalroq Tramp Rossiya tarafdori emasligini aytgandi.